Градина

Опис

Јарослав се враќа во домот од своето детство во мигови на еден голем животен пресврт и пораз. Таму наоѓа само стара куќа со голем двор, кој сега е во ужасна состојба, иако некогаш претставувал гордост на семејството. Сепак, по уништената кариера, токму градината околу куќата и работата во неа е она што му останува, како последно безбедно засолниште за телото, душата и умот. Подоцна се запознава со соседите и веќе почнува да верува дека неговиот нов свет полека се разгранува и дека ќе може да пронајде смисла во животот. Сепак, еден ненадеен поглед кон самиот себеси се покажува многу покошмарен од сè што дотогаш можел да си замисли и да си дозволи. Ќе се најде ли некој што ќе го сфати и ќе му подаде рака? Каде е границата меѓу отфрлањето и прифаќањето на неприфатливото? Има ли излез од таа мрачна ноќ?